Ազգային ժողովի արտաքին հարաբերությունների հանձնաժողովում քննարկվող օրենքի նախագիծը բուռն ելույթների առիթ դարձավ: Նշենք, որ «Ժառանգություն» խմբակցության պատգամավոր Զարուհի Փոստանջյանն առաջարկում էր, որ ՀՀ-ն ճանաչի Լեռնային Ղարաբաղի անկախությունը:
Հանձնաժողովի հանրապետական անդամները միանշանակ դեմ էին նախագծին և ամեն կերպ քնադատում էին Փոստանջյանին: Որպես վերջինիս պաշտպան ելույթ ունեցավ նույն խմբակցության դե յուրե պատգամավոր Ալեքսանդր Արզումանյանը:
Նա նախ ՀՀԿ-ական պատգամավորներին հորդորեց ոչ մեկին դասել չտալ և չասել՝ ինչն է ճիշտ, ինչը՝ սխել:
«Այստեղ բոլորս նույն չափի, նույն գույնի ընտրված մանդատով մարդ ենք: Այստեղ չկա լավ կամ վատ պատգամավոր: Ես գտնում եմ, որ Հայաստանում ինձանից լավ ոչ մեկ ոչ մի հարց չգիտի», – նշեց նա:
Արզումանյանը գտնում է, որ Փոստանջյանն այս նախագծի միջոցով փոխզիջում է փորձել գտնել: Նա հիշեցրեց, որ նախորդ անգամ այս առաջարկի քննարկման ժամանակ դեմ է քվեարկել:
«Նույնիսկ դուխ չեք ունեցել դեմ քվեարկելու, ես եմ քվեարկել: Մարդն առաջարկում է որոշման նախագիծ: Կան թերություններ, որ ես ինքս էլ համաձայն չեմ: Բայց կարելի է աշխատանքային խումբ ստեղծել, քննարկել: Ստիպել ենք ռուսական բանակին ռադը քաշել, մենք մեր գործն արել ենք: Բան է առաջարկել, եկեք՝ քննարկենք», – ընդգծեց նա
Նրա ելույթը շատ բուռն ընդունվեց, քանի որ Արզումանյանը բոլորի ելույթները քննադատում է: Դա առաջացրեց բոլոր ներկաների դժգոհությունը: Ի պատասխան՝ Արզումանյանն առաջարկեց քննարկել և նոր նախագիծ ներկայացնել:
.gif)
