ԱԺ ՀԱԿ խմբակցության պատգամավոր Նիկոլ Փաշինյանը կարծում է, որ այսօրվա իրավիճակում տեղին չէ ընդունել «Գովազդի մասին» ՀՀ օրենքում կատարվող փոփոխությունները, որոնց համաձայն Հանրային հեռուստաընկերությունում գովազդ չպիտի լինի: «Եթե ընդունենք, պետբյուջեից յոթ հարյուր միլիոն դրամի չափով ֆինանսավորելու ենք Հանրային ՀԸ, իսկ այսօրվա պայմաններում կարելի է այդ օրենքը չընդունել ու այն ուղղել սահմանապահ համայնքներին: Կառավարությունը, զգացվում է, որ այդ թեմայով խնդիրներ ունի ու ֆինանսական խնդիրներ է տեսնում արտոնություններ տալու: Այս իրավիճակում յոթ հարյուր միլիոն կտրել ու ուղարկել հեռուստաընկերություն ու այդ բեռը վերցնել բյուջեի վրա, անթույլատրելի է»,-նշեց Նիկոլ Փաշինյանը:
Գիտության և կրթության հանձնաժողովի նախագահ Արտակ Դավթյանը պատասխանեց, որ սա քննարկելու թեմա է: «Քննարկման ընթացքում, ըստ էության, մենք որոշակի ճիշտ պատասխանի կգանք, բայց մեկը մյուսի հետ չկապենք, թե գործադիրը ներկայացնելու է սահմանապահների միտված ծրագիր կամ օրենսդրական փաթեթ, ֆինանսավորման համապատասխան տեղը կգտնի», – ընդգծեց նա:
Նշենք, որ խորհրդարանում այսօր ներկայացվում է Հանրային հեռուստառադիոընկերության 2013 թ-ի գործունեության հաշվետվությունը:
.gif)
