Բ. Սահակյանը վաստակավոր մանկավարժի պատվավոր կոչում է շնորհել

Ուսուցչի օրվա կապակցությամբ Նախագահ Բակո Սահակյանը հոկտեմբերի 3-ին ստորագրել է հրամանագիր, համաձայն որի` մատաղ սերնդի ուսուցման եւ դաստիարակության գործում ունեցած նշանակալի ավանդի համար ԼՂՀ վաստակավոր մանկավարժի պատվավոր կոչում է շնորհվել.

Սուսաննա Ներսեսյանին

Երեւանի պետական համալսարանին առընթեր Արտաշես Շահինյանի անվան ֆիզիկամաթեմատիկական հատուկ դպրոցի Ստեփանակերտի մասնաճյուղի տնօրեն,

Նատաշա Պողոսյանին

Մարտակերտի Վլադիմիր Բալայանի անվան N 1 միջնակարգ հոսքային դպրոցի հայոց լեզվի եւ գրականության ուսուցչուհի,

Հասմիկ Սեյրանյանին

Ստեփանակերտի Վիտալի Ջհանգիրյանի անվան N 11 ավագ դպրոցի անգլերենի ուսուցչուհի,

Գեորգի Սեւիկյանին

ԼՂՀ Մարտունու շրջանի վարչակազմի աշխատակազմի կրթության բաժնի վարիչի տեղակալ։