Ադրբեջանի բնակիչը պայթել է ականի վրա

Նախօրեին՝ երեկոյան, Ադրբեջանի Թովուզի շրջանի Ասրիկ-Ջիրդաքան գյուղի բնակիչ Բայրամ Սուլեյմանովը վիրավորվել է ականի պայթյունից. տեղեկացնում են ադրբեջանական լրատվամիջոցները:

Դեպքը կատարվել է Հայաստանի հետ սահմանային գոտում, ուր տուն չվերադարձած անասունի որոնման նպատակով հայտնվել էր Սուլեյմանովը:

Պայթյունի հետևանքով աջ ոտքը կորցրած Սուլեյմանովը տեղափոխվել է Թովուզի շրջանի կենտրոնական հիվանդանոց: