Մոսկվայի «Սպարտակ»-ի 10 համարի մարզաշապիկը, որը նախկինում պատկանել է 55 տարեկանում մահացած Ֆյոդոր Չերենկովին, կարող է հանվել շրջանառությունից, եթե դա ցանկանան ակումբի երկրպագուները: Այս մասին հայտարարել է «Սպարտակի» սեփականատեր Լեոնիդ Ֆեդունը:
Նշենք, որ այդ մարզաշապիկով այժմ հանդես է գալիս մոսկովյան ակումբի և Հայաստանի հավաքականի հարձակվող Յուրա Մովսիսյանը:
«Կարծում եմ՝ դա պետք է որոշեն երկրպագուները: Կանենք այնպես, ինչպես կասեն նրանք: Եթե երկրպագուները ցանկանան հավերժացնել այդ համարն, ապա այդպես էլ կվարվենք»,- նշել է Ֆեդունը:
.gif)
