Բենզեման վնասվածք է ստացել

Մադրիդի «Ռեալ»-ի հարձակվող Կարիմ Բենզեման Ֆրանսիայի ազգային հավաքականի մարզման ժամանակ վնասվածք է ստացել, հայտնում են ֆրանսիական լրատվամիջոցները:

Բենզեման մարզման ժամանակ ցավեր է զգացել ձախ ոտքի մկանների հատվածում և, ավարտելով մարզումը՝ բժիշկների ուղեկցությամբ գնացել է դեպի հանդերձարան: Այսօր ֆուտբոլիստը բուժզննում պետք է անցնի, որպեսզի պարզ դառնա վնասվածքի լրջության աստիճանը: