ԲՀԿ նախագահ Գագիկ Ծառուկյանը հետընտրական ուղերձ է հղել

ԲՀԿ նախագահ Գագիկ Ծառուկյանն ընտրություններից հետո ուղերձ է հղել, որտեղ շնորհակալություն է հայտնում իրենց խղճի մտոք քվեարկած քաղաքացիներին:

Ուղերձում ասվում է.

“Հայասատանի հանրապետության քաղաքացիներ

Սիրելի քույրեր եւ եղբայրներ

Մայիսի  6-ին կայացած խորհրդարանական ընտրությունները շարունակում են գտնվել մեր հանրության ուշադրության կենտրոնում:

Այսօր ես իմ երախտիքն ու շնորհակալությունն եմ հայտանում բոլոր այն քաղաքացիներին, ովքեր հավատացին ինձ ու իմ թիմին եւ իրենց ձայնը տվեցին “Բարգավաճ Հայաստան” կուսակցությանը: Այդ մարդկանց թիվը աննախադեպ մեծ է: Ավելի քան 450. 000 հազար մարդ։ Ես շնորհակալություն եմ հայտնում նաեւ բոլոր նրանց, ովքեր քվեարկեցին այլ քաղաքական ուժերի օգտին` պայմանով, որ իրենց որոշման հիմքում ունեցել  են  սեփական խիղճն ու համոզմունքները:

Ես շնորհակալություն եմ հայտնում իմ թիմակիցներին, ովքեր ահռելի աշխատանք կատարեցին, եւ կրկին վստահեցնում եմ, որ գնահատվելու են նրանք, ովքեր աչքի են ընկել իրենց արդյունավետ աշխատանքով եւ պարկեշտությամբ:

Սիրելի ժողովուրդ.

Վերջին մեկ ամսվա ընթացքում ես եղել եմ մեր երկրի գրեթե բոլոր քաղաքներում, մեծ եւ փոքր  համայնքներում ու գյուղերում: Հանդիպել եմ հարյուր հազարավոր իմ հայրենակիցների հետ:  Այսօր ես ուզում եմ վերահաստատել այն հիմնական ուղերձները, որոնք ես ուղղել եմ ժողովրդին:

Ինձ համար չկա ավելի թանկ բան` քան ժողովրդի վստահությունը: Եվ ես այդ վստահությունը սրբորեն պահելու եմ: Ինձ համար չկա ավելի կարեւոր գործ` քան մեր  ժողովրդի եւ պետության առջեւ ծառացած հիմնախնդիրները լուծելը, մարդկանց հոգսը թեթեւացնելը: Սա այլեւս իմ կյանքի հիմնական նպատակն է: 

Ես վստահեցնում եմ, որ իմ հետագա քաղաքական բոլոր որոշումները կայացվելու են իմ թիմակիցների հետ խորհրդակցելուց եւ քննարկելուց հետ: Իսկ իմ բոլոր քաղաքական քայլերը լինելու են բաց, թափանցիկ եւ ժողովրդի կողմից ընդունելիե: