Ազատության հրապարակում ասվեց, որ հեղափոխություն չեն անելու, դա ասվեց այն կոնտեքստում, որ ոստիկանապետն ու այլ ուժեր մեղադրում են իրենց հեղափոխություն անելու մեջ, բայց դրանք ստահոդ են: Այսօր կայացած ասուլիսի ընթացքում այս մասին նշեցին «Քաղաքացիական պայմանագրի» անդամները:
«Ասվեց, որ պահանջներ ու վերջնագրեր չեն ներկայացվելու, այսինքն՝ «հայտնի հնարավոր» բոլոր սցենարները բացառված են, բացի մեկից, որ սպասում են երկխոսության առաջարկներ Սերժ Սարգսյանից»,-նշեց միավորման խորհրդի անդամ, ՀԱԿ պատգամավոր Նիկոլ Փաշինյանը:
Նրա խոսքով, իրենք այժմ խոսում են քաղաքական նոր օրակարգի ու նոր հարթակի ձևավորման մասին:
«Մենք խոսում ենք քաղաքական նոր օրակարգի ու նոր հարթակի ձևավորման մասին: 2008-ին ասում էին, և ես էլ էի ասում, որ Սերժ Սարգսյանի հեռանալն օր առաջ անհրաժեշտություն է, բայց ի՞նչ տեղի ունեցավ 2013-ին, այն նույն ուժերը, որ ասում էին, որ օր առաջ պետք է հեռանա Սերժ Սարգսյանը, ոչ թեկնածու առաջարկեցին, ոչ էլ պաշտպանեցին ընդդիմադիր թեկնածուին: Սա հերթական խորհրդարանական և նախագահական ընտրությունների նախապատրաստություն է ոչ իշխանական ուժերի կողմից, և ընտրվում է այնպիսի մարտավարություն, որ այլ ուժ պատրաստություն չտեսնի մասնակցելու», – ընդգծեց նա:
Փաշինյանը շեշտեց, որ 2008-ի իրադարձությունների համար ինքն իր բաժին պատասխանատվությունը կրում է, բայց երկրորդ անգամ նույն բանը կրկնելն անիմաստ է:
.gif)
