«Օպել»-ը վրաերթի է ենթարկել քաղաքացուն, ապա՝ բախվել «Նիսսան»-ին

Հոկտեմբերի 13-ին, ժամը 23.26-ին ահազանգ է ստացվել, որ Կոտայքի մարզի Չարենցավան քաղաքում` եկեղեցու մոտակայքում, տեղի է ունեցել ՃՏՊ, կա տուժած. անհրաժեշտ է փրկարարների օգնությունը:

Դեպքի վայր է մեկնել մեկ մարտական հաշվարկ:

Պարզվել է, որ «Օպել» մակնիշի (վարորդ՝ Ն. Կ., ծնվ. 1993 թ.) 51 LL 001 պ/հ-ի ավտոմեքենան վրաերթի ենթարկելով Ա. Ն.-ին (ծնվ. 1963 թ.)`  բախվել է «Նիսսան» մակնիշի 34 OV 086 պ/հ ավտոմեքենային (վարորդ` Ս. Կ.ծնվ. 1994 թ.), ինչից Ա.Ն.-ն տեղում մահացել է:

Հրշեջ-փրկարարները դադարեցրել են ավտոմեքենաների գազի արտահոսքը, հոսանքազրկել և կատարել ճանապարհի լվացման աշխատանքներ: