Հեղինակավոր Esquire ամսագիրն ավանդաբար հրապարակել է տարվա ամենասեքսուալ կնոջ անունը: Նա 40-ամյա դերասանուհի Պենելոպա Կրուսն է: Տարբեր ժամանակներում ամենասեքսուալ են ճանաչվել նաև Հոլլի Բերրին, Անջելինա Ջոլին, Սկարլետ Յոհանսոնը և Շարլիզ Տերոնը:
Կրուսը դարձել է ամսագրի կողմից հեղինակավոր տիտղոսին արժանացած 11-րդ կինը: Հետաքրքիր է, որ ի տարբերություն այլ ամսագրերի՝ Esquire ոչ թե վարկանիշային ցանկ է կազմել, այլ միակ կոչումն է շնորհել Կրուսին:
Այս առիթով տրված հարցազրույցում աստղը հայտարարել է, որ չի կորցրել հետաքրքրությունն իր մասնագիտության հանդեպ և նախկինի պես ձգտում է լուրջ դրամատիկ դերերի: Իր անձնական կյանքի մասին դերասանուհին, ինչպես միշտ, հրաժարվել է խոսել: Հայտնի է միայն, որ 2010թ.-ին նա գաղտնի ամուսնացել էր դերասան Խավիեր Բարդեմի հետ:
1992թ.-ից սկսած Պենելոպա Կրուսը նկարահանվել է 50 ֆիլմերում: 2009թ.-ին նա «Օսկար» է ստացել «Վիկի Քրիստինա Բարսելոնա» ֆիլմում լավագույն կանացի դերակատարության համար:
Սկարլետ Յոհանսոն
Անջելինա Ջոլի
Հոլլի Բերրի
Շարլիզ Տերոն
.gif)
