Երևանի Նոր Նորք վարչական շրջանի Նանսենի փողոցում և համանուն այգում, մի քանի օր է, ինչ տոնական տրամադրություն է տիրում: Այգու բետոնապատ հատվածում եկեղեցի և 8 խաչքար է տեղադրվել:
Խաչքարերի շարքում առանձնահատուկ տեղ է գրավում լրագրողի արձանը: Այն խորհրդանշում է անկախ, անկաշառ ու հայենիքի նվիրյալի կերպարը և մարմնավորում ազատ խոսքը կրողների իրական պատմությունը:
Հավելենք նաև, որ այստեղ տեղ է գտել վաստակավոր բժիշկ Կառլեն Եսայանի բրոնզաձույլ արձանը` շրջապատված դարձյալ բրոնզից ձուլված երեխաների ու հրեշտակների պատկերներով:
Եկեղեցու հարևանությամբ է կառուցվել նաև նորվեգացի բևեռախույզ, գիտնական, դիվանագետ և ականավոր հումանիստ Ֆրիտյոֆ Նանսենի թանգարանը։ Եկեղեցու և խաչքարերեի օծման արարողությունը կայացել է Արարատյան թեմի առաջնորդ Նավասարդ Կճոյանի մասնակցությամբ՝ մարդաշատ միջոցառման ընթացքում:
.gif)
