Գեղարքունիքի մարզի թիվ 22 ընտրատարածքում (Գավառ) մեծամասնական ընտրակարգով առաջադրված պատգամավորության թեկնածու, կոմունիստ Վանիկ Հարությունյանը մեզ հետ զրույցում դժգոհեց ընտրություններից. «Ես՝ Վանիկ Հարությունյանս, լինելով կառուցողական ընդդիմություն, փաստում եմ, որ ՀՀ-ում ընտրություն չի եղել եւ չի լինելու: Համատարած ընտրակաշառք է: Մենք ֆուտբոլ ենք խաղում, եւ խաղի ընթացքում իմ ոտքերը կապված են»: Նա «Ժողովուրդ»-ին տեղեկացրեց, որ իր ընտրատարածքում ի սկզբանե խախտումներ են եղել: Հարցին, թե ինչ է պատրաստվում անել հետագայում, Գանձակ համայնքի ղեկավար-թեկնածուն պատասխանեց. «Պատրաստվում եմ հաջորդ ընտրություններին: Իմ համայնքում 96 տոկոս ձայն եմ հավաքել»: Նշենք, որ այս ընտրատարածքից պատգամավոր է ընտրվել Մանվել Բադեյանը` Եվրոստանի Արայիկը, որն ընտրությունների օրերին ժամանակավոր «վարձակալությամբ» բնակվում էր Գավառում: Մինչ այդ նրան Գավառում չէին էլ ճանաչում:
.gif)
