«Գեղամա» ռեստորանի շինարարական աղբը թափում են գետը. Անահիտ Բախշյան

Երևանի ավագանու «Բարև Երևան» խմբակցության ղեկավար Անահիտ Բախշյանը նամակով դիմել է Երևանի քաղաքապետ Տարոն Մարգարյանին ուր ասվում է, որ Հրազդան կիրճում գործող «Գեղամա» ռեստորանի շինարարական աղբը լցնում են գետը։

«Հարգելի պարոն Մարգարյան, Երևանցիներն ահազանգում են այն մասին, որ Հրազդան կիրճում «Գեղամա» ռեստորանի հարևանությամբ օրը ցերեկով նույն ռեստորանի շինարարական աղբը թափում են գետը: Որտե՞ղ է քաղաքապետարանի և Կենտրոն վարչական շրջանի կոմունալ բաժինների վերահսկողությունը, ո՞վ է թույլ տվել աղբը լցնել գետը, մի՞թե քաղաքապետարանի պատկան պաշտոնյաները չեն տեսնում այս վայրագությունը: Խնդրում եմ հանձնարարել համապատասխան մարմիններին վերացնել այդ աղբակույտը, կից ներկայացնում եմ աղբի տեղանքի լուսանկարները:

Հարգանքներով՝ Անահիտ Բախշյան

Երևանի ավագանու «Բարև Երևան» խմբակցության ղեկավար