Ժողովուրդ. Գագիկ Ծառուկյանը հավաք է արել. Ոմանք հրաժարակնի դիմումներ են գրել

Ժողովուրդ-ը տեղեկացել է, որ Բարգավաճ Հայաստան կուսակցության նախագահ Գագիկ Ծառուկյանը երեկ իր կուսակցության ակտիվի հավաք է հրավիրել և հայտարարել, որ բոլոր այն ընտրատեղամասերի պատասխանատուները, որոնք 10 հազար ձայնից քիչ են հավաքել կուսակցության համար, Աժ պատգամավորի մանդատ չեն ստանա: Եվ այս տրամաբանությամբ Գագիկ Ծառուկյանը ստիպել է մի շարք ԲՀԿ-ականների, որպեսզի հրաժարականի դիմումներ գրեն:

Դիմում գրողներից առաջինը եղել են ՀՀ քաղաքաշինության նախարար Վարդան Վարդանյանը և ՀՀ առողջապահության նախարար Հարություն Քուշկյանը: Ու եթե ԲՀԿ-ն կոալիցիա չկազմի, անհայտ է լինելու նրանց ճակատագիրը: Որոշված չէ նաև Հմայակ Հովհաննիսյանի պատգամավորական ապագան: Ծառուկյանը նրա մասով երկմտում է: Պատգամավոր չեն լինելու նաև ԲՀԿ ընտրացուցակի 14-րդ համարը զբաղեցնող Արամ Սաֆարյանը, Ծառուկյանի մամլո խոսնակ Խաչիկ Գալստյանը, Աժ պատգամավոր Ռուբեն Գևորգյանը` Ծաղիկ Ռուբոն: ,Արսօյլե-ի տնօրեն, նախկին պատգամավոր Հռիփսիմե Ավետիսյանը ևս պատգամավորի մանդատ չի ստանա: Աժ պատգամավոր Կարո Կարապետյանի ապագան ևս դեռ օդում կախված է: ԲՀԿ ընտրացուցակի 26-րդի համար` Մարինե Բոգդանյանը, Աժ պատգամավոր, նախկին ՕԵԿ-ական Արշակ Մխիթարյանը` Բռլյանտի Արշակը, և Շուշանիկ Հակոբյանը ևս պատգամավորական մանդատից հրաժարվելու դիմումներ են գրել: Սարգիս Ավետիսյանը Վազգեն Պողոսյանը, Սուսաննա Հակոբյանը, Արայիկ Ալեքսանյանը, Դիանա Ղուկասյանը, Գրիգոր Գրիգորյանը, Վեներա Գյուլինյանը, Հայկ Խաչատրյանը, Տիգրան Մանուկյանը, Արսեն Աղաբաբյանը, Արմեն Այվազյանը, Արմեն Ավետիսյանը, Ռուզաննա Գևորգյանը, Տաթևիկ Շորխյանը, որոնք ԲՀԿ ընտրացուցակում անցողիկ տեղեր էին զբաղեցնում, հրաժարականի դիմումներ են գրել:

Այլևս խորհրդարանում չեն լինի նաև Աժ պատգամավորներ Մխիթար Հարությունյանը, Վահագն Մախսուդյանը: Իսկ քաղաքաշինության նախկին նախարար, նախկին ՕԵԿ-ական Արա Արամյանը ամենայն հավանականությամբ որէէ նախարարությունում փոխնախարար կնշանակվի: Պատգամավորական մանդատից հրաժարական է տվել նաև Ֆիզիկական կուլտուրայի հայկական պետական ինստիտուտի ռեկտոր Վահրամ Առաքելյանը: Հրաժարականի դիմումներ են գրել նաև ԲՀԿ-ական երկու մարզպետները` Նվեր Պողոսյանն ու Սերգեյ Բագրատյանը: Ժողովուր-ի տեղեկություններով` Բագրատյանի աշխատանքից Ծառուկյանը գոհ է, իսկ Պողոսյանից` ոչ: Թերթը վերջում նշու է, որ հավանաբար կրկին պատգամավոր կդառնա նաև Արագած Ախոյանը:

Եվ այսպես, ըստ Ծառուկյանի որոշման` իրենից բացի, խորհրդարան կմտնեն` Վարդան Օսկանյանը Գուրգեն Արսենյանը Նաիրա Ջոհրաբյանը Վահե Հովհաննիսյանը Միքայել Մելքումյանը Էլինար Վարդանյանը Ստեփան Մարգարյանը Թամար Պողոսյանը Վահե Էնֆիաջյանը Վահան Բաբայանը Տիգրան Ուրիխանյանը Ռուստամ Գասպարյանը Հարություն Ղարագյոզյանը Աբրահամ Մանուկյանը Հրանտ Մադաթյանը Տիգրան Ստեփանյանը Վահան Կարապետյանը Արսեն Ավագյանը Բազմասեր Առաքելյանը: