Զվարթնոց» և «Շիրակ» օդանավակայանները 2014 թվականի հունվար-սեպտեմբերին սպասարկել են 1 մլն 599 հազար 988 ուղևոր, ինչը շուրջ 311 600 ուղևորով կամ 24,2 տոկոսով ավելի է 2013 թվականի նույն ժամանակահատվածի ցուցանիշի նկատմամբ: Ինչպես «Արմենպրես»- ին տեղեկացրին ՀՀ ԿԱ քաղացիական ավիացիայի գլխավոր վարչության մամուլի ծառայությունից, հաշվետու ժամանակաշրջանում մեկնողների թիվը կազմել է 825 971 ուղևոր (665 809 ուղևորի փոխարեն 2013 թվականի նույն ժամանակաշրջանում), ժամանել է 774 017 ուղևոր (622 585 ուղևոր՝ 2013-ին): Մեկնողների և ժամանողների բացասական հաշվեկշիռը կազմում է 51 954 մարդ:
Մեկնած ուղևորների տեսակարար կշիռը ընդհանուր ուղևորափոխադրումների մեջ կազմում է 51,6 տոկոս, ինչը համադրելի է 2013 թվականի նույն ժամանակաշրջանի ցուցանիշի հետ՝ 51,7 տոկոս:
Բեռնափոխադրումների ծավալն աճել է 6,8 տոկոսով և կազմել են 8 126 տոննա, իսկ թռիչք/վայրէջքների քանակը աճել է 25,9 տոկոսով և կազմել 8 178:
.gif)
