Հայաստանի հակադոպինգային ծառայությունը` ՅՈւՆԵՍԿՕ-ի մրցույթի հաղթող

Հայաստանի հակադոպինգային կազմակերպությունը երկրորդ տարին անընդմեջ արժանացել է ՅՈւՆԵՍԿՕ-ի ` “Սպորտում դոպինգի դեմ պայքարի” մրցույթի հաղթողի կոչմանը: ՅՈւՆԵՍԿՕ-ի  հիմնադրամը  այս անգամ  շուրջ 20 հազար դոլար է տրամադրել  Հայաստանի հակադոպինգային կազմակերպությանը:

Ծառայության պետ, կենսաբանական գիտությունների դոկտոր Արեգ Հովհաննիսյանը ՀԱՕԿ-ի մամուլի քարտուղարությանն ասել է, որ գումարը տրամադրվելու է հակադոպինգային ծառայության  աշխատանքների կատարելագործման, համապատասխան փաստաթղթերի ստեղծման, կազմակերպության գործունեությունը ու հեղինակությունը միջազգային չափանիշներին հասցնելու համար: Գլխավոր նպատակն է արժանանալ միջազգային որակի եւ համապատասխան կարգի  հավասատագրի (I S O  9001): Մինչեւ այժմ աշխարհում միջազգային հավաստագրի է արժանացել 20 երկիր: