Սեպտեմբերին մայրաքաղաքին աղբյուրներից ջուր հասցնող մայրուղային ջրատարներից միայն մեկն է կանգ առել՝ Ապարան – Երեւանը` 24 ժամով, որի պատճառը անհետաձգելի միջոցառումներն էին: Այդ ընթացքում կատարվել է 6 անուն աշխատանք, ինչպես տեխնիկական բնույթի, այնպես էլ ապօրինի միացումների ապամոնտաժմամբ պայմանավորված, որի արդյունքում էապես բարձրացել է ջրատարի ու նրանից սնուցվող տարածքների ջրամատակարարման համակարգերի շահագործման հուսալիությունը: Մնացած մոտ երկու տասնյակ մայրուղային ջրատարները գործել են անխափան, նույնքան անխափան ջուր մատակարարելով Երեւանին:
Իսկ ահա ներքաղաքային բաշխիչ ցանցում աշխատանքները շարունակվել են նախկին ինտենսիվությամբ: Մասնավորապես, Շենգավիթի Չեխովի փողոցում գոտիավորվել է համակարգը, որի ընթացքում վերացվել են վթարներ, տնտեսվել է ջուր, կայունացել է ճնշումը եւ բարելավվել ջրամատակարարումը: Նմանատիպ աշխատանք է կատարվել Արտաշիսյան փողոցում, որի շրջանակներում նաեւ շահագործումից հանվել է վթարված ջրագիծ: Ավանի Աճառյան և Բաբաջանյան փողոցների խաչմերուկում խցափակվել է ջրագիծը, որը միջանկյալ կապ էր հանդիսանում Կաթնաղբյուրի 3-րդ ջրատարի և Ավանի ջրագծի միջև: Դրա շնորհիվ հնարավոր է դարձել առանձնացնել բաշխիչ ցանցը ջրատարից, ապամոնտաժել անսարք փականը, ապահովել ջրագծի առավել պարզ շահագործումը և բարելավել ջրամատակարարումը: Նոր-Նորքի 2-րդ զանգվածում՝ Թոթովենց փողոցի և Թոթովենց անցուղու խաչմերուկում թուջե ջրագծի վրա հայտնաբերվել ու վերացվել է վթար, որը ջրի կորստի էր բերում:
Ուշադրության կենտրոնում է եղել նաեւ ջրամատակարարման համակարգի բարելավման ու վերականգնման ծրագրի շրջանակներում իրականացվող շինարարությունը: Հաշվետու ժամանակամիջում մասնավորապես փոխարինվել է Նուբարաշենի 11-րդ փողոցի 5-16 շենքերը սնուցող ջրագծերը և շենքերի մուտքագծերը, վերակառուցվել է Արզումանյան փողոցի` Հալաբյան և Արզումանյան փողոցների խաչմերուկից մինչև Արզումանյան և Բաշինջաղյան փողոցների խաչմերուկ ջրագիծն ու Բաշինջաղյան 159/1 -ի կոյուղագիծը, շահագործումից դուրս են բերվել Գ.Նժդեհի և Մանթաշյան փողոցների խաչմերուկից մինչև Մանթաշյան 2-ի, Գ.Նժդեհի և Մանթաշյան փողոցների խաչմերուկից մինչև Մանթաշյան և Արտաշիսյան փողոցների խաչմերուկ, Արագածի 1-ից մինչև Արագածի 93 գոյություն ունեցող ջրագծերը: Այնտեղ առկա միացումները տեղափոխվել են նույն փողոցներով անցնող ջրագծերի վրա, տարածքում կառուցվել են բաշխիչ հանգույցներ և անհատական ջրաչափական հորեր:
Մի շարք վայրերում էլ այդօրինակ աշխատանքները շարունակվել են: Օրինակ, Եղվարդում Շիրակի փողոցի ջրագծի կառուցումը, Երեւանում Պուշկինի 60 հասցեի եւ հարակից տարածքների բակային ջրագծերի վերակառուցումը՝ ենթակառուցվածքներով հանդերձ, Վարշավյան փողոցի ջրագծի փոխարինումը, Խ.Խաչատրյան և Բաշինջաղյան փողոցների խաչմերուկից Խ.Խաչատրյան փողոցով մինչև Լենինգրադյան 52 ջրամատակարարման համակարգի նոր ջրագծերի կառուցումն ու վերակառուցումը:
Ընդհանուրառմամբհամակարգումայդընթացքումկառուցվելէ478 մետրմետաղական, 1183 մետրպոլիէթիլենեջրագիծև 12 մետրկոյուղի, փոխարինվել` 461 մետրջրագիծև 64 մետրկոյուղագիծ, շահագործումիցհանվելէ 5745 մետրվթարվածջրագիծ: Նաեւ վերացվելէ 615 ջրագծիվթար, 1859 կոյուղուվթարև 207 վթար` պոմպակայաններում: Տեղադրվելէ39փականև 5 ջրաբաշխիչհանգույց, սահմանազատմանկետէտեղափոխվել 39 ջրաչափ, մաքրվելէ 25 դիտահորև 1934 անձրևընդունիչ:
Դրա շնորհիվ սեպտեմբերին Երևանում 23,5-24,0 ժամ ջուր է ունեցել սպառողների 75%-ը, 17-23,5 ժամ՝ 22%-ը, իսկ 12-17 ժամ՝ 3%-ը: «Երևան Ջուր» ՓԲԸ ջրի լաբորատորիայի կողմից համակարգի հանգուցային կետերից վերցված 1583 փորձանմուշի ստուգման արդյունքները ցույց են տվել, որ սպառողներին մատակարարված ջրի որակը համապատասխանել է գործող սանիտարական նորմերին եւ կանոններին:
Համակարգում շարունակվել է ջրի սպառման ծավալներիվերահսկման եւ հաշվառման աշխատանքը: Բաժանորդների քանակը հաշվետու ամսին ավելացել է 316-ով և կազմել 357 200: Իսկ ջրի վաճառքը նախորդ տարվա սեպտեմբերի համեմատ ավելացել է 423,000 մ3-ով: Այդ նույն ժամանակաշրջանում ջրի միջին ծախսը մեկ բաժանորդի հաշվով ավելացել է 0,8 մ3-ով եւ կազմել է 14,0 մ3: Կազմվել է ջրի օգտագործման կանոնների խախտման 267 տարաբնույթ ակտ, որից 22-ը՝ ապօրինի ջրագծի հայտնաբերման վերաբերյալ:
Ղեկավարվելով «Մենք հաշվետու ենք հանրության առջև» կարգախոսով՝ ՙԵրևան Ջուր՚ ընկերությունը ստորև ներկայացնում է հերթական ամենամսյա հրապարակումը 2014թ. սեպտեմբերին գործունեության մի շարք հիմնական ցուցանիշների վերաբերյալ` 2013թ. նույն ժամանակամիջոցի նկատմամբ /2008թ. տվյալները համեմատության համար են/:
| Հիմնական ցուցանիշներ | 2008թ.սեպտեմբեր | 2013թ.սեպտեմբեր | 2014թ.սեպտեմբեր | 2014թ. սեպտեմբերը 2013թ. սեպտեմբերի համեմատ /+- |
| Աղբյուրներից վերցված ջրաքանակ` լիտր/վայրկյան | 11836 | 9635 | 9571 | -64 /2008թ. սեպտեմբերից` -2265/ |
| Էլեկտրաէներգիայի օրական սպառում` կՎտժ | 315 000 | 78 000 | 78 000 | 0 /2008թ. սեպտեմբերից` -237000/ |
| Ջրամատակարարման շարունակականություն`% | 72,7 | 95,9 | 95,7 | – 0.2% կետ /2008թ. սեպտեմբերից`+ 23% կետ |
«Երևան Ջուր» ՓԲԸ Հանրային կապերի ծառայություն
.gif)
