Բրիտանիայում ձերբակալված կինն ահաբեկչական գործողություննե՞ր է կազմակերպել

Բրիտանիայի Բեդֆորդշիր քաղաքում ձերբակալվել է 25-ամյա մի կին, ով կասկածվում է ահաբեկչական հարձակումների կազմակերպման մեջ: РИА Новости-ի փոխանցմամբ, այդ մասին տեղեկացրել է BBC-ն՝ վկայակոչելով Սքոտլենդ Յարդը:
Հաղորդվում է, որ հետաքննությունը կապված է «սիրիական թեմայի» հետ:

Ավելի վաղ Սքոտլենդ Յարդի ղեկավարը հայտնել էր, որ ներկա պահին Մեծ Բրիտանիայի ավելի քան 500 քաղաքացիներ մեկնել են Սիրիա և Իրաք՝ «Իսլամական պետության» շարքերում հակամարտությանը մասնակցելու նպատակով: