«Փող բաժանելով ընտրված պատգամավորը չի կարող օրենսդիր լինել»:

ԱԺ նորելուկ պատգամավորը դեռ խորհրդարանի առաջին նիստից առաջ փորձում է սպիտակ ագռավ դառնալ: Ինքը, իհարկե, հերքում է, թե ընտրակաշառքի տեսքով որեւէ գրոշ է բաժանել, բայց միաժամանակ հրապարակավ ընդդիմանում է խորհրդարանական մեծամասնությանը: Թե՛ համամասնականների, թե՛ մեծամասնականների ստվար մի հատված այս անգամ հատկապես փողի շնորհիվ մանդատ ձեռք բերեց, եւ դա այնքան պարզ է ու հայտնի, որ Գ. Նուշիկյանն էլ պետք է իմանար: Եւ հետո, լավ կամ վատ օրենսդիր լինելը բնավ էլ պայմանավորված չէ ընտրակաշառքի չափով: Այն նույնիսկ տվյալ պատգամավորի ինտելեկտուալ մակարդակը չի կարող չափել: Պարզապես այս անգամ փողը դարձավ քարոզարշավի շարժիչ ուժը: