Հայաստանի Հանրապետության 15 պետական գերատեսչություններում սկսվել են աշխատանքների մոնիտորինգ, այսօր կառավարության նիստի ժամանակ ասաց վարչապետ Տիգրան Սարգսյանը։
Նա նաև նշեց, որ պետության կողմից մատուցվող ծառայությունների որակի բարձրացման հարցը համարվում է առաջնային խնդիր:
Բազմաթիվ ոլորտներում ունենք բավական լուրջ առաջընթաց: Այս մոնիտորինգը հետևողականորեն իրականացնելու ենք, որովհետև դեռևս կան պետական ծառայություններ, որտեղ առկա են բյուրոկրատական քաշքշուկներ։ Դեռևս կա կողոպուտ, այս կամ այն տեղեկանքը տրամադրելու համար կաշառքներ են վերցնում,- ասաց Տիգրան Սարգսյանը:
Վարչապետի խոսքով՝ երկու շաբաթվա ընթացքում կամփոփվեն մոնիտորինգների արդյունքները՝ ըստ գերատեսչությունների:
Կառավարության հերթական նիստի օրակարգում այսօր կար 35 հարց, որոնք ընդունվեցին միաձայն:
.gif)
