Սիբիրյան ցիկլոնի պատճառով ջերմաստիճանը Սյունիքում, Լոռիում, Տավուշում ու Արցախում իջավ 20 աստիճանով, իսկ Երևանում` 15 աստիճանով: Այս մասին լրագրողների հետ զրույցում նշեց Արտակարգ իրավիճակների նախարար Արմեն Երիցյանը:
«Մարզերում ճանապարհներ փակվեցին, ցրտահարություններ եղան, բայց մենք նաև ասացինք, որ արդեն հոկտեմբերի 28-ից սկսելու է տաքանալ: Եթե ես սխալվում եմ, Աստված տա, նման բաներում սխալվեմ»,- ընդգծեց նախարարը, հավելելով, որ սիբիրյան ցիկլոնն արդեն հեռացել է:
«Մենք կատարել ենք մեր խոստումը, և 10 ու 20 աստիճան ցրտերը ներմուծել ենք Հայաստան»,- կատակեց Արմեն Երիցյանը:
Հիշեցնենք, որ նախարարը նախօրոք զգուշացրել էր, որ սիբիրյան ցիկլոնի պատճառով ջերմաստիճանի կտրուկ անկում է լինելու:
.gif)
