«Կա՛մ ես, կա՛մ Սերժ Սարգսյանը»:

Կար ժամանակ, երբ ԱԻՄ առաջնորդը մեղադրում էր հայ ժողովրդին իրեն չգնահատելու ու միաձայն նախագահ չընտրելու համար: Հիմա, երբ նա կրկին որոշել է թեկնածությունն առաջադրել նախագահի ընտրություններում, գոնե մեկ մրցակցի տեսնում է: Պարույր Հայրիկյանի գնահատականներում նկատվող առաջընթացը, անշուշտ, գովելի կարելի է համարել: Մրցակցություն կոչվածը նա արդեն պատկերացնում է: Թեեւ այս անգամ էլ նա միանգամից ստվերում է թողնում մեկ տասնյակ նախագահացուների, որոնք արդեն հայտարարել կամ պատրաստվում են հայտարարել իրենց առաջադրվելու մասին: Նրա աչքերը միայն Սերժ Սարգսյանին են տեսնում: