Մարդու իրավունքների եվրոպական դատարանի (ՄԻԵԴ) բակում «մշտական» բնակիչներ կան: Մի խումբ քաղաքացիներ, բախվելով անարդարությունների, պայքարի յուրօրինակ ձև են ընտրել: ՄԻԵԴ-ի վրա ազդելու և իրենց համար ցանկալի վճռի հասնելու համար քաղաքացիները վրաններ են խփել հենց դատարանի առջև ու ապրում են այնտեղ՝ այդպես ամեն օր հիշեցնելով իրենց մասին:
Լուսանկարներում հստակ երևում են գույնզգույն վրանները՝ հենց գետի ափին:
Armlur.am-ի թղթակիցը նկատել է, որ ՄԻԵԴ-ի աշխատակիցները չեն էլ զարմանում. վրաններն ու բնակիչները նրանց համար սովորական են դարձել, քանի որ «դատարանի բնակիչները» վաղուց են հաստատվել այդ թաղամասում: Ու դժվար թե այդ ակցիան լուրջ արդյունք տա:
Ինչ վերաբերում է մարդկանց բողոքներին, դրանք տարաբնույթ են՝ բնակարանային խնդրից մինչև իրավական կամայականություններ: Մի մակեդոնացի, օրինակ, ցուցապաստառներով է եկել, որոնց վրա գրված է. «Ես արդարություն եմ տենչում: Մակեդոնիայի կառավարությունը խլել է ինձանից իմ հողատարածքն ու այն տվել ուրիշի: Պահանջում եմ իմ ունեցվածքը», «Մակեդոնիայիում մարդկային արդարություն չկա, երկրի կառավարությունն ու մաֆիան խլեցին իմ սեփականությունը» և այլն:
Բարեբախտաբար, «վրանային ավանի» բնակիչների մեջ հայեր չկան:
.gif)
