“Հաճույքով եմ աշխատել այն թիմի հետ, որը ներկայացված է եղել երկրի գործադիր իշխանությունում, եւ համոզված եմ, որ այդ թիմն ունի քաղաքական ապագա”,-նման հայտարարությամբ այսօր` մայիսի 24-ին, լրագրողների հետ զրույցում հանդես եկավ ՀՀ կրթության եւ գիտության նախարար, հանրապետական կուսակցության քաղխորհրդի անդամ Արմեն Աշոտյանը: Նրա խոսքով` խորհրդարանական ընտրություններից հետո գործադիր իշխանության կորիզը մնալու է այն քաղաքական ուժի հսկողության տակ, որը հաղթել է ընտրություններում: “Բայց մենք պատրաստ ենք տեսնել մեր կողքին քաղաքական այլ զինակիցներ եւ դաշնակիցներ”,- ասաց Ա. Աշոտյանը:
.gif)
