«Ժողովուրդ» օրաթերթը գրում է. «Միջազգային տնտեսական ինտեգրացիայի եւ բարեփոխումների նոր ստեղծվելիք նախարարությունը, «Ժողովուրդ»-ի տեղեկություններով, խուճապ է առաջացրել Էկոնոմիկայի նախարարության աշխատակիցների շրջանում: Հայտնի է, որ նոր ստեղծվելիք նախարարությունը պետք է զբաղվի ՀՀ-ԵՏՄ եւ ՀՀ-ԵՄ հարաբերությունների հետ կապված հարցերով: Այժմ այդ գործընթացներն իրականացնում է հենց Էկոնոմիկայի նախարարությունը: Դեռ պարզ չէ՝ նոր նախարարությունը ստեղծվում է Էկոնոմիկայի նախարարության փոխարեն, թե գործելու են երկուսն էլ: Նախարարության ներսում եւս չեն դադարում այս խոսակցությունները: Աշխատակիցները տեղյակ չեն՝ դեռ որքան են շարունակելու աշխատել, եւ թե ինչ է լինելու հետագայում: Նշենք, որ վաղուց են շրջանառվում այն խոսակցությունները, թե Էկոնոմիկայի նախարար Կարեն Ճշմարիտյանին ցանկանում են պաշտոնանկ անել եւ «հեռացնել» ասպարեզից: Հայտնի է, որ նա համարվում է ՀՀ երկրորդ նախագահ Ռոբերտ Քոչարյանի կադրը, ով նախկինում եւս զբաղեցրել է նախարարի պաշտոնը, ապա անցել պատգամավորական աշխատանքի»:
Մանրամասները թերթի այսօրվա համարում:
.gif)
