«Տաշիր» ընկերության սեփականատեր Սամվել Կարապետյանն այն հայազգի գործարարներից է, ով իր ունեցվածքը ձեռք է բերել հայրենիքից դուրս՝ Ռուսաստանում: Նրա եղբայրը ԱԺ ՀՀԿ խմբակցության պատգամավոր Կարեն Կարապետյանն է:
Կենսագրությունը: Ծնվել է 1965 թվականին Կալինինոյում: 1986 թվականին ավարտել է Երևանի պոլիտեխնիկական ինստիտուտի «մեքենաշինության» ֆակուլտետը: Ծանր տարիներին տեղափոխվել է Ռուսաստան և հաստատվել Կալուգայում: Բացել է սկզբում մեկ խանութ, ապա երկրորդը, երրորդը, տասներորդը և այդպես տարիների ընթացքում զարգացրել է իր բիզնեսը: Ամուսնացած է, ունի երեք երեխա:
Կարողությունը: Զուտ կապիտալը՝ 3,8 մլրդ ԱՄՆ դոլար (2013 թ. մարտի դրությամբ): Հարստության աղբյուր՝ շինարարական ընկերություններ, անշարժ գույք: Forbes միլիարդատերեր՝ 351-րդ հորիզոնական, Forbes Ռուսաստան՝ 29-րդ հորիզոնական:
Սամվել Կարապետյանին է պատկանում 24 առևտրի կենտրոն, 8 հյուրանոց և 7 գրասենյակային համալիր, ընդհանուր առմամբ՝ մոտ 1,3 միլիոն քմ առևտրային անշարժ գույք:
Կարդացե՛ք նաև, Քըրք Քըրքորյան. ամենահարուստ հայի հաջողության գաղտնիքները
Նաիրա Հովհաննիսյան
.gif)
