Armlur.am-ը շարունակում է ներկայացնել, թե հայրենի օրենսդիրների գործուղումների համար որքան գումար է հատկացվել պետբյուջեից:
Այսօր կներկայացնենք, թե քանի անգամ և որ երկրներ է գործուղումների մեկնել ԱԺ փոխնախագահ Հերմինե Նաղդալյանը:
Նախ նշենք, որ 2013թ. Հ. Նաղդալյանը երեք անգամ է մեկնել գործուղման, իսկ մինչ 2014թ. հուլիսը՝ 4 անգամ: 2013թ. օգոստոսի 30-ից սեպտեմբերի 3-ը Լեռնային Ղարաբաղի Հանրապետության անկախության օրվա տոնակատարություններին մասնակցելու նպատակով նա մեկնել էր Արցախ: Այդ ժամանակահատվածում Նաղդալյանի հետ Արցախում են եղել նաև ՀՀԿ պատգամավորներ Նաիրա Կարապետյանը, Ռուզաննա Մուրադյանը, Շուշան Պետրոսյանը:
Նույն տարվա սեպտեմբերի 16-18-ը ԱԺ փոխնախագահը ՀՀ նախագահի գլխավորած պատվիրակության կազմում եղել է Մոսկվայում:
Անկախ Պետությունների Համագործակցության մասնակից պետությունների միջխորհրդարանական վեհաժողովի (ԱՊՀ ՄԽՎ) 31-րդ լիագումար և ԱՊՀ ՄԽՎ խորհրդի, ինչպես նաև` մշտական հանձնաժողովների նիստերին մասնակցելու նպատալով Հերմինե Նաղդալյանը 2013թ. նոյեմբերի 27-29-ը գտնվել է Սանկտ Պետերբուրգում: Նրա հետ միասին Ռուսաստանում է եղել նաև պատգամավոր Խոսրով Հարությունյանը:
Այս տարի նա դեռևս այցելել է Ս. Պետերբուրգ, Մոսկվա, Ստրասբուրգ և Լոնդոն: Հիշեցնենք, որ ԱԺ կին պատգամավորների շրջանում մշտապես կռիվներ են լինում, թե ով պետք է մեկնի այս կամ այն գործուղմանը: Հ. Նաղդալյանը` որպես ԱԺ փոխնախագահ, մրցակցությունից դուրս է:
Նաիրա Հովհաննիսյան
Կարդացեք նաև՝ Նաիրա Կարապետյանն ավելի շատ մեկնում է գործողումների, քան` ելույթ ունենում
Որքան են պետբյուջեի վրա արժեցել Հովիկ Աբրահամյանի գործուղումները
.gif)
