Կառավարությունն այսօրվա նիստում մերժեց Ազգային ժողովի ՀԱԿ խմբակցության պատգամավոր Հրանտ Բագրատյանի հեղինակած «Վարչական իրավախախտումների վերաբերյալ Հայաստանի Հանրապետության օրենսգրքում փոփոխություններ կատարելու մասին 0187 Հայաստանի Հանրապետության օրենքի նախագիծը: Ըստ Հրանտ Բագրատյանի առաջարկի՝ պետք է նվազեցվեն վարչական իրավախախտումների վերաբերյալ օրենսգրքով սահմանված ճանապարհային երթևեկության կանոնների խախտման համար նախատեսված վարչական տուգանքների չափերը:
Արդարադատության նախարար Հովհաննես Մանուկյանի խոսքով՝ ճանապարհային երթևեկության կանոնների հետ կապված հարաբերությունները կարգավորելու նպատակով՝ 2014 թվականի օգոստոսի 26-ին ՀՀ վարչապետի կողմից ընդունվել է «Ճանապարհային երթևեկության կանոնների խախտման առնչությամբ իրականացվող վարույթների կարգավորման միջգերատեսչական աշխատանքային խումբ ստեղծելու և դրա անհատական կազմը հաստատելու մասին» թիվ 803-Ա որոշումը:
Աշխատանքային խումբը քննարկում է վարչական իրավախախտումների վերաբերյալ օրենսգրքում ճանապարհային երթևեկության կանոնների խախտման վերաբերյալ նոր հայեցակարգային մոտեցումներ ձևավորելու հետ կապված հարցը:
.gif)
