ԱՄՆ-ի Միսուրիի նահանգապետն արտակարգ դրություն է հայտարարել նահանգում՝ անզեն սևամորթի սպանության գործով դատարանի որոշման հնչեցման նախօրեին:
Նահանգապետ Ջեյ Նիքսոնը հայտարարել է, որ «խաղաղության ապահովմանն ուղղված իրավապահ մարմինների ջանքերին» կաջակցի ազգային գվարդիան:
Այսօր դատարանը պետք է որոշի՝ մեղավոր է արդյոք ոստիկան Դարրեն Ուիլսոնը 18-ամյա սևամորթ Մայքլ Բրաունի սպանության մեջ:
Շրջանային դատախազը հայտարարել է, որ դատարանի որոշմանը հարկ է սպասել նոյեմբերի կեսին կամ ամսվա վերջում:
Հիշեցնենք, որ Մայքլ Բրաունը գնդակահարվել էր ոստիկան Դարրեն Ուիլսոնի կողմից Ֆերգյուսոնում ծագած անկարգությունների ժամանակ: Նրա մահը բողոքի զանգվածային ակցիաների առիթ էր դարձել, որոնք ուղեկցվում էին անկարգություններով և բռնություններով. հիշեցնում է BBC-ն:
.gif)
