Կառավարությանն առընթեր պետական գույքի կառավարման վարչության պետ Արման Սահակյանն այսօր կառավարության նիստին ներկայացրեց նախագիծ, որով առաջարկվում էր «Հայաստանի Հանրապետության ֆինանսների նախարարության աշխատակազմ» պետական կառավարչական հիմնարկին ամրացված Երևան քաղաքի Կիևյան 2-րդ նրբանցք թիվ 18 հասցեում գտնվող 450.2 քառ. մետր մակերեսով շենք շինությունները և դրանց օգտագործման ու սպասարկման համար անհրաժեշտ 0.04095 հա հողամասն օտարել դասական աճուրդով` որպես գույքի մեկ միավոր:
Վարչապետ Հովիկ Աբրահամյանը հարցրեց, թե ինչու են օտարում այս գույքը: Սահակյանն էլ պատասխանեց, որ նախարարությանը պարտք են եղել, և սա պարտքի դիմաց ընդունած գույք է:
«Ասում եմ՝ ում ենք օտարում: Այստեղ մարդիկ են ապրում, բնակելի շենք է, և այդ մարդկանց հանո՞ւմ ենք»-հարցրեց նա: Արման Սահակյանը բացատրեց, որ դա այդ մարդիկ պարտք են պետությանը և այդ տարածքը հիմա պիտի օտարվի, որպեսզի այդ պարտքն էլ մարվի:
«Հասկացա դա, դու իմ հարցին պատասխանի: Այդ մարդիկ այնտեղ ապրո՞ւմ են: Բա հիմա ի՞նչ ենք անելու, նրանց գցելո՞ւ ենք փողոց: Հասկացա, որ պետական գույք է, պարտք են, բայց ինչ սոցիալական խնդիր ենք լուծում», – հավելեց նա: Վարչապետը հորդորեց նախագիծը հանել օրակարգից ու լրացուցիչ քննարկել:
.gif)
