«Առաջին   անգամ թերթում կարդացի իմ մականունը եւ այդ օրվանից ես դարձա Բազազ»:

Բազազը, իհարկե, հպարտանում ու փորձում է իրեն կազմակերպված եւ խստապահանջ մարդու արժանիքներ վերագրել, հավատացնել, թե ինքն իսկապես օրենքի պահապան հրեշտակ է, ու մարդիկ են իրեն սխալ հասկանում: Բայց չի լինում այնպես, երբ մամուլի հրապարակումը հայտնի մականվան առաջ գալու պատճառ դառնա: Կամ էլ պատկերացրե՛ք, թե ինչքան դիպուկ է եղել Ռոբերտ Մելքոնյանի մականունը, որ մեկ օրում հանրային սեփականություն է դարձել: Ամեն դեպքում թերթերը միայն փաստն են արձանագրել, քանի որ Բազազ ոչ թե դառնում են, այլ ծնվում: Հատկանիշները, որ ունի հայտնի պատմվածքի հերոսը, հաստատ բնածին են: