ՀԱՐՑ. Ես ունեմ 5 երեխա եւ 23 տարվա ստաժ, բայց ստանում եմ ընդամենը 18.700 դրամ թոշակ: Lսել եմ, որ նման դեպքերում թոշակի չափն ավել է լինում: Խնդրում եմ ասել` արդյոք ինձ օրենքով այդքան քիչ թոշակ է հասնում:

ՊԱՏԱՍԽԱՆ. «Պետական կենսաթոշակների մասին» ՀՀ օրենքի 15-րդ հոդվածի համաձայն՝ աշխատանքային կենuաթոշակի չափը հիմնական կենսաթոշակի չափի եւ կենսաթոշակի աշխատանքային մասի գումարն է:
Կենսաթոշակի աշխատանքային մասը աշխատանքային uտաժի տարիների, աշխատանքային uտաժի մեկ տարվա արժեքի եւ կենuաթոշակառուի անձնական գործակցի արտադրյալն է:
Աշխատանքային կենuաթոշակը հաշվարկվում է հետեւյալ բանաձեւով.
Կ=Հ+ (Ս X Ա) X Գ, որտեղ`
Կ-ն կենuաթոշակի ամuական գումարն է,
Հ-ն՝ հիմնական կենuաթոշակի չափը,
Ս-ն՝ աշխատանքային uտաժի տարիները,
Ա-ն՝ աշխատանքային uտաժի մեկ տարվա արժեքը,
Գ-ն՝ կենuաթոշակառուի անձնական գործակիցը:
Կենսաթոշակառուի անձնական գործակիցը հաշվարկելիս հիմք է ընդունվում տարիքային աշխատանքային կենսաթոշակի իրավունք տվող 25 տարվա աշխատանքային ստաժը:
Մինչեւ 25 տարվա (ներառյալ) աշխատանքային ստաժի մեկ տարվա համար գործակիցը սահմանվում է 0,04, իսկ 25 տարուց ավելի աշխատանքային ստաժի 1 տարվա համար՝ 0,02:
Կենսաթոշակառուի անձնական գործակիցը հաշվարկվում է՝
ա) մինչեւ 25 տարվա (ներառյալ) ստաժի առկայության դեպքում՝ Գ=0,04 X Ս բանաձեւով,
բ) 25 տարուց ավելի աշխատանքային ստաժի առկայության դեպքում՝ Գ=1+0,02 X (Ս-25) բանաձեւով:

«ԺՈՂՈՎՈՒՐԴ». Սվետլանա Մարտիրոսյանը երեւի թե ավելի ճիշտ կանի՝ գնա ՀՀ աշխատանքի եւ սոցիալական հարցերի նախարարության կենսաթոշակային ապահովության վարչության տարածքային բաժին` մանրամասն, բայց խրթին կերպով ներկայացված պարզաբանմանն ավելի մատչելի կերպով ծանոթանալու համար: