Կիևում տեղի են ունենում ԱՄՆ-ի փոխնախագահ Ջո Բայդենի բանակցություններն Ուկրաինայի նախագահ Պյոտր Պորոշենկոյի և վարչապետ Արսենի Յացենյուկի հետ: Սպասվում է, որ դրանց ավարտին կհայտարարվի Ուկրաինային տրվող ամերիկյան ռազմական օգնության ավելացման մասին:
Խոսքն առաջին հերթին ոչ մահաբեր զինամթերքի, մասնավորապես ՝ զինվորական ջիփերի մասին է:
Սա ընթացիկ տարում Ջո Բայդենի երրորդ այցն է Ուկրաինա: Այս անգամ այն կապված է Եվրամայդանի տարելիցի հետ: Մեկ տարի առաջ Կիևում սկսվեցին բողոքի ակցիաներ, որոնք երեք ամիս անց՝ անդադար ցույցերի և իրավապահների հետ բախումներից հետո բերեցին իշխանափոխության:
Այցից առաջ Բայդենն իր հարցազրույցներից մեկում հայտարարել էր, որ Ուկրաինան իրավունք ունի պաշտպանվել Ռուսաստանի ագրեսիայից, և Վաշինգտոնը պատրաստ է այդ հարցում օգնել Կիևին:
.gif)
