ՀՀԿ կողմից ԱԺ պատգամավոր առաջադրված, գործարար Գարեգին Նուշիկյանի մասին բավական ուշագրավ փաստեր են ի հայտ գալիս: Տարիներ առաջ նա բավական մոտ հարաբերություններ է ունեցել Սուքիասյանների ընտանիքի հետ: «Ժողովուրդ»-ին հիշեցրին, որ 2007թ. սեպտեմբերի 21-ին, երբ ՀՀ առաջին նախագահ Լեւոն Տեր-Պետրոսյանը խախտեց տասնամյա լռությունն ու քննադատեց իշխանություններին, «Արմենիա մարիոթ» հյուրանոցում էր նաեւ Գարեգին Նուշիկյանը: Ընդ որում, նա եկել էր Խաչատուր Սուքիասյանի հետ ու նրա հետ էլ ճեմում էր դահլիճում: Եւ ահա նույն Նուշիկյանը բոլորովին անակնկալ կերպով իր թեկնածությունն առաջադրեց թիվ 10 ընտրատարածքում Խաչատուր Սուքիասյանի եղբոր՝ Սարիբեկ Սուքիասյանի դեմ:
.gif)
