Սուրեն Զոլյանը Բրյուսովի ռեկտոր դառնալու հայտ չի ներկայացրել

Բրյուսովի  անվան Լեզվաբանական համալսարանի ռեկտորի թափուր պաշտոնի համար կպայքարեն բուհի ժամանակավոր պաշտոնակատար Գայանե Գասպարյանն ու ճարտարագիտական համալսարանի  օտար լեզուների ամբիոնի վարիչ  Վաղարշակ Մադոյանը: Այս մասին armlur.am-ին  հայտնեցին Կրթության և գիտության նախարարությունից: Այսօր՝ հունիսի 1-ին  ժամը 13:00-ին ավարտվել է  Բրյուսովի  անվան Լեզվաբանական համալսարանի ռեկտորի թափուր տեղի համար մրցույթում հայտեր ներկայացնելու վերջնաժամկետը: Ռեկտորի թափուր տեղի համար մրցույթը տեղի կունենա հունիսի 12-ին: Թեկնածուները երկուսն էլ բանասիրական գիտությունների դոկտորներ են, ունեն պրոֆեսորի մանկավարժական կոչում: Վաղաշակ Մադոյոնը նաև “Անանիա Շիրակացի” համալսարանի նախկին ռեկտորն է եղել, որոշ ժամանակ դասավանդել է Բրյուսովում: Իսկ ռեկտորի ժամանակավոր պաշտոնակատար Գայանե Գասպարյանը նախկինում  եղել է Բրյուսովի անվան լեզվաբանական համալասրանի պրոռեկտոր: Ինչ վերաբերում նախկին ռեկտոր Սուրեն Զոլյանին, ով աղմկահարույց ազատումից հետո չէր բացառել, որ կարող է մասնակցել նոր մրցույթին, փաստորեն հայտ չի ներկայացրել: