«Ժամանակ» թերթը գրում է. «Երևանի «Չաո բամբինո» մանկական սրճարանում նոյեմբերի 19-ի երեկոյան գազով, լցված փուչիկների պայթյունի գործով Կենտրոն և Նոր Նորք վարչական շրջանների քննչական կոմիտեում հարուցվել է քրեական գործ՝ քր.օր,-ի 279-րդ հոդվածի 2-րդ մասի 1-ին կետով (Անվտանգության պահանջներին չհամապատասխանող ապրանքներ թողարկելը, որոնք կատարվել են մանկահասակների համար նախատեսված ապրանքների կապակցությամբ):
Մանկական սրճարանի տնօրեն Գրիշա Հարությունյանը օրեր առաջ «Ժամանակին» ասել էր, թե իրենց փուչիկներ է մատակարարում «Փուչիկների աշխարհ» ՍՊԸ-ն, որը Լիցենզավորված ընկերություն է և մասնագիտացած է այդ գործում, բայց երեկ պարզեցինք, որ ոչ մի լիցենզավորված ընկերություն էլ չկա: Փուչիկները սրճարանին մատակարարում է Արթուր Կտեյան անունով մասնավոր ձեռներեց, որը դրանք լիցքավորել է իր ավտոտնակում, այն էլ՝ ոչ թե հելիումով, այլ սովորական այրվող գազով, իսկ այժմ անցել է ընդհատակ»։
Մանրամասները թերթի այսօրվա համարում:
.gif)
