Այսօր մեկնարկել են “Հայոց լեզու և հայ գրականություն” առարկայի պետական ավարտական և միասնական քննությունները, որին մասնակցելու դիմում-հայտ է լրացրել 11 795 դիմորդ: Երևանում գործում է 14 քննական կենտրոն, որից մեկը Երևանի պետական համալսարանում: Նար Դոս-ի անվան դպրոցում միասնական քննությունները անցել են առանց միջադեպի այս մասին armlur.am-ի հետ զրույցում ասաց թիվ Նար-Դոս-ի անվան թիվ 14 դպրոցի Միասնական քննության պատասխանատու –տնօրեն Գյուլնարա Փալիկյանը:”Վերջինիս հավաստմամբ դպրոցում քննությունը անցել է առանց միջադեպի, 315 գրանցված երեխաներից քննության չեն ներկայացել 13: Անհանգստացած ծնողները սպասելով իրենց երեխաներին դպրոցի մուտքի մոտ նաև հնարավորություն ունեին քննության ընթացքին հետևել տեսախցիկների միջոցով :Կարինա Ազիզյանը armlur.am-ի հետ զրույցում ասաց, որ հարցաթերթիկներում եղել են բարդ հարցեր, որոնք ընդգրկված չեն եղել հարցաշարում: Հարցին , թե ինչ են պատրաստվում անել, տիկին Կարինան ասաց, որ դեռ կսպասեն հավաքած միավորների վերջնական պատասխանին, նոր հետո կորոշեն հետագա անելիքներ: Armlur.am նկատեց նաև, որ ԹԻՎ 14 դպրոցում Հայոց լեզու և Գրականություն միասնական քննությանը դպրոցի մուտքի մոտ ներկա էին Նոր ժամանակներ Կուսակցության նախագահ Արամ Կարապետյանը և Ժառանգություն Կուսակցության անդամ Ստյոպա Սաֆարյանը: Հարցին, թե ինչով է պայմանավորված նրանց ներկայությունը Միասնական քննությանը, մեզ հետ զրույցում նշեցին.”Քեռիներ ենք, եկել ենք տեսնելու ամեն ինչ կարգին է: Ոնց տեսնում ենք ամեն ինչ կարգին է ընթացել, երեխաներն էլ դժվարություններ չեն ունեցել”,- նշեցին նրանք: Բուժքույր Անուշ Առաքելյանը ասաց, որ Երեխաներից երկուսը անհանգիստ են եղել.”Երկու երեխա անհանգստացած վիճակում էին եղել, օգնել ենք և նրանք շարունակել են իրենց մասնակցությունը քննությանը: Հետաքրքրվեցինք դպրոցականներից, թե ինչ է իրականում կատարվել և որն է եղել պատճառը, որ երեխաներից երկուսը վատ են զգացել, նրանք հարաժարվեցին խոսել տեսաախցիկի առաջ, սակայն ասացին.”Ներսում շատ խիստ էին չեն թողնում անգամ խոսել, երևի դա էր պատճառը, որ երեխեքը վատացան”:
.gif)
