«Ոսկերչական աշխատանքներ իրականացնողները կատարելագործվել են իրենց գործունեության մեջ»:

Ոսկերչությունը, անշուշտ, կատարելությանը մոտ արհեստներից է, բայց փորձառու Արշակ Սադոյանը նկատում է, որ ընտրակեղծարարության հայկական մեքենան կատարելությանն է մոտեցել՝ գերազանցելով նույնիսկ ոսկերչությանը: Մասնագետ  պետք է լինել՝ հայկական ընտրությունների գաղտնիքները պատկերացնելու համար: Թեեւ թանկարժեք մետաղի ու հայկական ընտրությունների միջեւ հավասարության նշան դնելը բոլորովին էլ հեռու չէ իրականությունից: ԱԺ վերջին ընտրություններում մի շարք կուսակցություններ ու բազմաթիվ անհատներ այնքան գումար ծախսեցին, որ նախընտրելի դարձավ ծախսված փողի ծավալները ոչ թե պարկերով, այլ ոսկով չափել: