Կինը մահացած ամուսնու իրերի մեջ նռնակ է գտել

Մոսկվայաբնակ ընտանիքը ոստիկանությանն է փոխանցել РГД-5 բեկորային նռնակը: Այն հայտնաբերվել է մոտ 1 տարի առաջ մահացած ընտանիքի հոր իրերում:

Ինչպես տեղեկացնում է Интерфакс-ը, 54-ամյա կինը նռնակը հայտնաբերել էր ամուսնու իրերի մեջ:

«Կինը վերցրել է զինամթերքը և գնացել դստեր տուն՝ նռնակը նրան ցույց տալու: Տուն վերադարձած կնոջ փեսան ոստիկանություն է զանգահարել», – լրագրողներին պատմել են մայրաքաղաքի ոստիկանության մամուլի ծառայությունում:

Նռնակն առգրավվել է, դրա ծագումը պարզվում է: