2013-ի նախագահական ընտրություններին “Ժառանգությունը”, ամենայն հավանականությամբ, կունենա իր թեկնածուն: Այս մասին այսօր՝ հունիսի 6-ին, լրագրողների հետ հանդիպմանն ասաց “Ժառանգություն” կուսակցության անդամ, նախկին պատգամավոր Արմեն Մարտիրոսյանը՝ հավելելով, թե խնդիրն այն է, թե կուսակցությունը ում կտեսնի այդ թեկնածուի դերում: Նրանք կողմնակից են այլընտրանքային, ընդդիմադիր, համախմբող միասնական թեկնածու ունենալուն, սակայն ընդդիմադիր դաշտում “խարիզմատիկ թեկնածու չկա”: “Ժառանգության” առաջնորդ Րաֆֆի Հովհաննիսյանի թեկնածության առաջադրմանը նրանք կանդրադառնան ավելի ուշ: Ինչ վերաբերում է Զարուհի Փոստանջյանի թեկնածության առաջադրման մասին տեդեկություններին, ապա Արմեն Մարտիրոսյանի համար նախընտրելի է Րաֆֆի Հովհաննիսյանի թեկնածության առաջադրումը: Նախկին պատգամավորը տեղեկացրեց, որ կշարունակի իր դասախոսական գործունեությունը, իսկ Ստեփան Սաֆարյանը փորձագիտական գիտելիքները կներկայացնի հանրությանը:
.gif)
