Քեթիի լեռնանցքում վրացական մեքենաներ են խցանվել

ՀՀ  տրանսպորտի և կապի նախարարությունը տեղեկացնում է, որ   դեկտեմբերի 3-ին՝ գիշերը ժամը 03:30-04:00-ի  սահմաններում, Աշոցք- Գյումրի  ավտոճանապարհի Քեթիի լեռնանցքում անվադողերի  մաշվածության պատճառով  վրացական ծանրաքաշ 4 մեքենաներ խցանվել են:

Ճանապարհը սպասարկող «Մերձմոսկովյան» ԲԲ ընկերության   ճանապարհաշինարարների  կողմից տարվում են  աշխատանքներ  խցանված մեքենաները դուրս բերելու համար:

Աշոցք-Գյումրի ավտոճանապարհը երկկողմանի երթևեկելի է:

ՀՀ տրանսպորտի և կապի նախարարության լրատվական ծառայություն