Նոր մանրամասներ Ավանում կատարված սպանությունից

Հայաստանի ոստիկանությունը նոր մանրամասներ է հայտնել Ավանում տեղի ունեցած սպանությունից: Ոստիկանության լրատվության վարչությունից հայտնում են, որ հունիսի 6-ին, ժամը 20.20-ին, ոստիկանության Երևան քաղաքի վարչության հերթապահ մաս ոմն Լիլիթից ահազանգ է ստացվել, որ Ավանի “Սթար” սուպերմարկետի մոտ  ծեծել են մի քաղաքացու, որի վիճակը ծանր է, և փորձում են փրկել կյանքը: Մեկնած  օպերատիվ խումբը նշված վայրում հայտնաբերել է 24-ամյա Վրեժ Պողոսյանի  դիակը` աջ քունքային, ձախ այտային, շրթունքների և աջ բազկի մասերում արնազեղումներով, աջ և ձախ ուսահոդերի շրջաններում՝ քերծվածքներով: Նշանակվել է դատաբժշկական փորձաքննություն:

Փաստի առթիվ  հունիսի 7-ին  ոստիկանության Նոր Նորքի բաժնում  ՀՀ քրեական օրենսգրքի 104 հոդվածի (սպանություն) 1-ին մասի հատկանիշներով հարուցվել է քրեական գործ: Ոստիկանության ծառայողների ձեռնարկած միջոցառումների շնորհիվ մեղայականով բաժին է ներկայացել  Երևան քաղաքի բնակիչ, 36-ամյա Արսեն Հակոբյանը, որը խոստովանել է, որ հիշյալ օրը ուղևոր փոխադրելու շուրջ  իր  և Վրեժ Պողոսյանի միջև  վեճ է ծագել, և պարզաբանման նպատակով հանդիպել են “Սթար” սուպերմարկետի դիմաց, որտեղ առաջացած վիճաբանության ընթացքում ինքը բռունցքով հարվածել է Վ. Պողոսյանի աջ քունքին, ինչի հետևանքով նա մահացել է: Նախաքննությունը շարունակվում է: Մանրամասները տեսանյութում: 

Լուսանկարը՝ Գագիկ Շամշյանի