Ոստիկանության Արմավիրի մարզային վարչության ծառայողների բացատրական աշխատանքների շնորհիվ, հունիսի 7-ին, ժամը 18.30-ին, վարչություն է ներկայացել 42-ամյա մի կին եւ կամավոր հանձնել ձեռքի նռնականետ, “Ֆ-1” տիպի նռնակ` պայթուցիչով, գնդացրի 7,62 մմ տրամաչափի 132 փամփուշտ ու հայտնել, որ դրանք հայտնաբերել է նույն օրը իրենց հողամասում գյուղատնտեսական աշխատանքներ կատարելիս. զենք-զինամթերքը պատկանել է 1992 թ. ԼՂՀ ինքնապաշտպանական մարտերի ժամանակ զոհված հորը:
Ներկայացվածն ուղարկվել է փորձաքննության:
Ոստիկանության Վայոց ձորի մարզային վարչության ծառայողների բացատրական աշխատանքների շնորհիվ, հունիսի 7-ին, ժամը 10.00-ին, Բարձրունի գյուղի 25-ամյա մի բնակիչ վարչությունում կամավոր հանձնել է 16 տրամաչափի երկփողանի որսորդական հրացան եւ հայտնել, որ այն պատկանել է հանգուցյալ հորը: Նշանակվել է դատաձգաբանական փորձաքննություն:
.gif)
