Ըստ «Ժողովուրդ»-ի հավաստի տեղեկությունների՝ նախօրեին Հրաչյա Քոչարի փողոցում գտնվող շուկայի մոտ երկու անձնավորություն իրար են քաշքշել: Ականատեսները պատմել են, որ նրանցից մեկը եղել է Իրանի քաղաքացի, իսկ մյուսը հայ: Վերջինս նաեւ ՌԴ քաղաքացիություն է ունեցել: Նա փողոցում հայտարարել է, որ ինքը տրանսֆեստիտ է:
Աղմուկն այնքան բարձր է եղել, որ բնակիչները դուրս է եկել բնակարաններից եւ փորձել հասկանալ տեղի ունեցածը: Շուկայի տարածքում ամեն ինչ խառնվել է իրար: Ականատեսների վկայությամբ՝ այդպես էլ անհասկանալի է մնացել, թե ինչն է եղել քաշքշուկի պատճառը: Միայն նշված տղամարդու խոսքերն են լսել, թե ինքը տրանսֆեստիտ է: Փորձեցինք մեր տեղեկությունը ճշտել ոստիկանության հասարակայնության հետ կապերի եւ լրատվության բաժնից: Այնտեղից հաստատեցին, որ իսկապես նշված օրը նման միջադեպ է տեղի ունեցել Հրաչյա Քոչարի փողոցում, սակայն մանրամասներ չհայտնեցին՝ ասելով, թե միջադեպի առթիվ կատարվում է հետաքննություն:
.gif)
