Արդեն հայտնել էինք, որ այսօր ղարաբաղա–ադրբեջանական հակամարտ զորքերի շփման գծի արևելյան ուղղությամբ տեղակայված զորամասերից մեկի պահպանության տեղամասի մարտական հենակետում հակառակորդի կողմից արձակված կրակոցից մահացու հրազենային վիրավորում է ստացել զինծառայող, 1995թ. ծնված Գարիկ Արտեմի Իսպիրյանը:
Դեպքի մանրամասները պարզելու համար տարվում է քննություն:
Armlur.am-ի հետ զրույցում Գեղարքունիքի մարզի Գեղհովիտ համայնքի ղեկավար Վարդան Պողոսյանը հայտնեց, որ Գարիկի ծնողները դեռևս չգիտեն դեպքի մասին, իսկ հարազատները համացանցից են տեղեկացել: Համայնքապետի խոսքով՝ նրանք հիմա պատրաստվում են գույժը հայտնել Իսպիրյանների ընտանիքին:
«Հիմա փորձում ենք ուժ հավաքել և գնալ նրանց տուն՝ ասելու: Մի տղա էլ ունեն, հաշմանդամ է ու չի ծառայել: Էս մեկն էր ծառայում, էն էլ այսպիսի դժբախտ դեպք եղավ»,- շարունակեց Վարդան Պողոսյանը՝ հավելելով, որ զոհված զինծառայողի ընտանիքը սոցիալապես անապահով վիճակում է ապրում:
.gif)
