Այս տարվա հուլիսի 31-ին ադրբեջանական դիվերսիայի հետեւանքով զոհված ժամկետային զինծառայող Արարատ Խանոյանի հիշատակին հայրենի Սարդարապատ գյուղում հուշարձան է բացվել: Երեկ զոհված զինծառայողը կդառնար 20 տարեկան:
Armlur.am-ի հետ զրույցում Արմավիրի մարզի Սարդարապատ համայնքի ղեկավար Բաբկեն Վարդանյանը հայտնեց, որ հուշարձանը տեղադրվել է Արցախյան պատերազմում զոհվածների հուշարձանների հարևանությամբ:
«1941-45 թթ հայրենականին նվիրված հուշարձան ունենք, դրա հարևանությամբ կառուցվել է նաև Արցախյան ազատամարտում զոհվածների հուշարձանը: Արարատ Խանոյանի հուշարձանն էլ հանրապետության նախագահի աշխատակազմի դրամաշնորհի միջոցներով կառուցվեց և տեղադրվեց: Այդ շրջանում զոհված բոլոր վեց տղաների հիշատակին նվիրված հուշարձաններ կբացվեն: Պարզապես մենք խնդրեցինք Արարատի հուշարձանի կառուցումն ավելի արագ լինի, որպեսզի նրա ծննդյան օրն այն կարողանայինք տեղադրել»,- ասաց Բաբկեն Վարդանյանը:
Հիշեցնենք, որ հուլիսի 31-ին հակառակորդը հարձակում էր գործել հյուսիսային հատվածում մարտական հերթապահություն իրականացնող զորամասերից մեկի պահպանության տեղամասի ուղղությամբ: Դիրքապահ անձնակազմի կողմից հանդիպելով կազմակերպված դիմադրության՝ հակառակորդը, կրելով բազմաթիվ կորուստներ, հետ է շպրտվել ելման դիրքեր:
Գործողության հետեւանով զոհվել են ՊԲ զինծառայողներ, 1994թ. ծնված Արարատ Վաչիկի Խանոյանը եւ Ազատ Արթուրի Ասոյանը:
Լուսանկարում՝ Ազատ Ասոյանը
.gif)
