
Armlur.am-ի տեղեկություններով՝ այս գիշեր ևս ղարաբաղա–ադրբեջանական զորքերի շփման գծում հակառակորդը հրադադարի բազմաթիվ խախտումներ է թույլ տվել։ Բարեբախտաբար, հայկական կողմից զոհեր և վիրավորներ չկան։ Պատասխան կրակից ադրբեջանական կողմն ունի մի քանի զոհ։ Մեր տեղեկություններով՝ հակառակորդը կիրառել է նաև ականանետեր։
Հիշեցնենք, որ երեկ գիշեր ևս հակառակորդի կողմից արձակված կրակոցների թիվը սովորականից ավել է եղել: Նախկինում արձակվել է մոտ 40 կրակոց, իսկ այդ գիշեր հասել է 200-ի: Հայկական կողմը կրակոցներին պատասխանել է ըստ անհրաժեշտության: