ՀԱՐՑ. Տեղյակ եմ, որ ՀՀ կառավարության 18.08.2006թ. համար 1302-Ա որոշմամբ Երեւան քաղաքի վարչական սահմաններում գտնվող անտառային նշանակության որոշ (այդ թվում Մարաշի) տարածքների նպատակային նշանակությունը դասակարգվել է որպես «բնակավայրերի» կատեգորիայի հող: Երեւանի քաղաքապետի 11.10.2006թ. համար 1619-Ա որոշմամբ էլ կառավարության վերոնշյալ որոշումը տեղայնացվել է: Հետաքրքիր է իմանալ` կառավարության նշված որոշմամբ Երեւանում «բնակավայրերի» կատեգորիայի հողերի կարգավիճակ ստացած տարածքների մեջ արդյոք մտնում է «Դալմայի այգիներ» կոչվող տարածքը, որտեղ հիմա ճանապարհ են կառուցում:

«ԺՈՂՈՎՈՒՐԴ». Շինարարական խառնաշփոթը, ցավոք, չի շրջանցում մայրաքաղաքի այն փոքր տարածքներն անգամ, որոնք կանաչ գոտի են համարվում: Քաղաքապետարանի պատասխանը հստակ է: Նշված տարածքի կարգավիճակը չի փոխվել, սակայն, ինչպես բնակիչներն են ահազանգում, այստեղ նույնպես շինաշխատանքներ են սկսվել, ու դրանց հեղինակները մեծամասամբ հենց այդ տարածքների սեփականատերերն են: