Բելառուսի նախագահ Ալեքսանդր Լուկաշենկոն հայտարարել է, որ հրահանգել է իր կառավարությանը Ռուսաստանի հետ առևտուր կատարել միայն դոլարով և եվրոյով:
«Խնդիր է դրված Ռուսաստանի հետ առևտուր անել ոչ թե ռուբլով, այլ՝ դոլարով, ինչպես որ մենք վճարում ենք էներգակիրների դիմաց»,-հայտնել է բելառուսական նախագահը կառավարության հետ խորհրդակցության ժամանակ:
Լուկաշենկոյի խոսքով՝ Ռուսաստանի հետ վաղուց էր պետք աշխատել և վճարները պահանջել կայուն արժույթով՝ դոլարով և եվրոյով:
Լրատվամիջոցների տեղեկություններով՝ Միասնական տնտեսական տարածքի շրջանակներում Բելառուսը Ռուսաստանի հետ բոլոր հաշվարկների կեսն իրականացնում է ռուսական ռուբլով, և 40% -ը՝ եվրոյով:
Վերջին ժամանակները ռուսական ռուբլին զգալիորեն էժանացել է՝ արժեզրկվելով գրեթե երկու անգամ:
.gif)
