ՀՀ զինված ուժերի կազմավորման 20-րդ տարեդարձին նվիրված հունիսի 22-ին ռազմահայրանասիրական միջոցառում տեղի ունեցավ Երեւանի Նուբարաշեն վարչական շրջանում տեղակայված ՀՀ պաշտպանության նախարարության 5 –րդ բանակային կորպուսում: “Հայոց արծիվներ” հայրենասիրական հասարակական կազմակերպության նախագահության կազմակերպած միջոցառմանը մասնակցեցին հայկական ԶԼՄ-ների ներկայացուցիչները, հասարակական կազմակերպության մասնաճյուղերի ղեկավարները:
ՊՆ 5-րդ բանակային կորպուսի զորավարժարանում յուրաքանչյուր ԶԼՄ-ի ներկայացուցիչ ինքնաձիգով կրակեց 15 փամփուշտ:
“Հայոց արծիվներ”-ի առաջնորդ, ՀՀ սպորտի եւ երիտասարդության հարցերի փոխնախարար Խաչիկ Ասրյանի խոսքով` միջոցառման նպատակն է զինվորների, ենթասպաների, սպաների շրջանում առավել արժեւորելու լրատվամիջոցների դերն ու նշանակությունը, նրանց գործունեության կարեւորությունը, ինչպես նաեւ ամրապնդելու լրատվամիջոցներ-հասարակական կազմակերպություններ-ազգային բանակ համագործակցությունը: Ըստ նրա յուրաքանչյուր լրատվամիջոցի ներկայացուցիչ գոնե տարին մեկ անգամ պետք է գրիչը, տեսախցիկը փոխարինի ինքնաձիգով, որպեսզի հարկ եղած դեպքում կարողանա պաշտպանել հայոց պետականության սահմանները:
.gif)
